Blog Post

blog post

TENGGARONG - Wakil Bupati Kutai Kartanegara (Kukar) busu Edi Damansyah mberikan tulungan ke  13 kepala keluarga korban ketunuan di Desa Lamin Telihan Kecamatan Kenohan, Rabu kemai (15/03) di posko ketunuan situ jua. Tulungan nya di berikan tu tegak logistik ntuk menohi kebutuhan dasar sida korban bencana, diantaranya family kit ne yahak tegak (Tajong, Gelas,Piring, Sendok, Sabun Tepas, Odol, Sikat Gigi, ngan Gayong), perlengkapan dapur, perlengkapan sandang ngan pangan dari Pemkab Kukar melalui sida Dinas PKPB Kukar ngan sida Dinas Sosial Kukar.   

Busu Edi Damansyah nyampaikan rasa bela sungkawanya ngkan musibah ketunuannya dah nghanguskan  9 buting rumah sampai-sampai 39 jiwa kehilangan rumah sida. Busu tu jua beharap ke sida korban supaya diberikan ketabahan.  "Secara lahiriah mandikda nya ngendak’i musibah nya tegakne tejadi, tapi baiknya etam tabah ngan sabar," uje busu Edi. 

Sida jua mintak ke sida pemangku kepentingan nya ada di Desa Lamin Telihan, supaya terus ningkatkan kewaspadaannya ke lingkungan, supaya kejadian nya sama bisa di cegah ngan mandik tejadi lagi. Waktu mberikan tulungan ke sida nya kena korban ketunuan tu ada jua datang sida Ketua DPRD Kukar busu Salehuddin, Ketua Komisi I DPRD Kukar busu Abdul Rasyid ngan Kepala Dinas Pemadam Kebakaran dan Penanggulangan Bencana (PKPB) Kukar busu Marsidik jua bubuhan sida unsur Musyawarah Pimpinan Kecamatan Kenohan. 

(Sumber : Humas Kutai Kartanegara)

  • Share This Story

Komentar (0)

Leave a comment